Муассисаи таҳсилоти миёнаи умумии №10
деҳаи Амоншайхӣ шаҳри Ваҳдат

Маълумоти мухтасар оиди муассисаи таълимӣ

Соли 1934 дар деҳаи Амошайхӣ мактаби нав сохтанд ва номи мактабро «Озодӣ» гузоштанд. Дар мактаб муаллим Ахмедов Қушқор ба ҳамаи хонандагон дарс медод. Миқдори духтарон дар мактаб ду нафарро ташкил медод, яке Розия ва дигаре Собирова Катабӣ ном доштанд. Соли 1942 ба деҳаи Амоншайхӣ муҳоҷиронии Яғнобро оварданд. Муҳоҷиронро дар мактаб ҷой доданд. Соли 1942 дар мактаб ягона муаллима Назарова Зулайхо ба хонандагон дарс дода аст. Соли 1943 бо дастгирии муаллима Солодова М.Т. дар назди масҷиди деҳаи Амоншайхӣ, дар хонаи мулло Маҷнун мактаб кушода шуд, ки 12 нафар хонанда дошт. Мудири мактаб Муминов Ҳамро (ветерани Ҷ.Б.В) таъин гардид. Ягона муаллима Солодова Мария Тимофеевна буд.

• filter_vintage

  Азнавсозии муассиса

  Солҳои 1934, 1952, 1957, 1995 ва соли 2006 бинои асосии мактаб аз тарафи бонки умуми љаҳони ва МИЛ-и вазорати маъориф бо маблағи 100000 (сад хазор) долари амрикои таъмир карда шуд. Соли 2016 як бинои таълимӣ иборат аз 8 синфхона сохта ба истифода дода шуд.

• palette

  Таъмири муассиса

  Муассисаи таълими соле як маротиба пурра рангу бор ва таъмир карда мешавад. Инчунин дар муассиса сохтумони бинои иловагӣ иборат аз 2-ошёна (15-синфхона) идома дорад. Муассиса дар айни замон яке аз муассисаҳои базавии ш.Ваҳдат ба шумор меравад.

• local_bar

  Ҷойҳои фароғатии муассиса

  Муассиса дорои як ошхона буда дар ду баст кор ва фаъолият намуда ба тамоми талаботи санитарию гигиенӣ ҷавобгу мебошад.

• mood

  Омӯзгорон ва хонандагони муассиса

  Дар муассисаи таълимӣ 64-нафар омӯзгор, ки аз онҳо 35-нафар мард ва 29-нафар зан бо маълумоти (олӣ, оли-нопурра, миёна ва миёнаи махсус), ки аз онҳо 11-нафар бо категорияи олӣ, 23-нафар бо категорияи якум ва боқимонда бо категорияҳои дуюм ва умумӣ кору фаъолият мекунанд. Инчунин дар муассисаи таълимӣ 1516-нафар хонанда ки аз онҳо 730-нафар духтаронро ташкил мекунад дар ду баст таълим мегиранд.