18.01.2020, 10:37 | |
Муқоисаи феълҳо дар дарсҳои забони англисӣ. Феьл яке аз мавзӯъҳои муҳим ва серистеъмоли забони англисӣ ба шумор меравад. Дар забони англисӣ феълҳои дуруст – Regular verbs ва феълҳои нодуруст – Irregular verbs мавҷуданд. Мо омӯзгорон онҳоро бояд муқоиса намуда, ба хонандагон омӯзонем. Омӯзиши дуруст ва бомавриди ин гуна феълҳо сабаби рушди нутқи шифоҳӣ ва хаттии хонандагон мегардад. Ҳоло мо ба маънои асосии феълҳои look, watch ва see диққат дода, дар амал мебинем, ки онҳо аз якдигар чӣ фарқ мекунанд. to look – нигоҳ кардан, назар андохтан, дидан, аз назар гузаронидан – (нигоҳи худро ба самте равона менамоем, ки бубинем), намудан. Look! There is Jahongir!– Нигоҳ кунед! Дар онҷо Ҷаҳонгир аст. (бо ангушт ишора мекунем) Look at the sky! - Ба осмон нигар! It’s going to rain! - Борон бориданист! Let’s look at this picture! - Биёед ба ин акс нигарем! You look fine! - Шумо хуб менамоед! You look tired! - Шумо хаста менамоед! to watch – тамошо кардан, мушоҳида кардан (ҳаракатро), таъқиб кардан, пoидан, эҳтиёт кардан. I’m watching TV.– Ман телевизор тамошо карда истодаам. Watch yourself!– Худро эҳтиёт кунед! Why are you looking her?– Tу барои чӣ ӯро таъқиб карда истодаӣ? to see – дидан, нигоҳ кардан, фаҳмидан, рози шудан, мулоқот кардан ё вақт гузаронидан, муроҷиат кардан (ба духтур ё мутахассис). I don’t see you. Ман туро намебинам. Did you see this film yesterday? – Шумо ин филмро дирӯз дидед? Did you see this house? – Шумо ин хонаро дидаед? As I see it, you need help – То ҷое ки ман мефаҳмам, шумо ба кӯмак эҳтиёҷ доред. I’m very busy this week. Ман ин ҳафта хело банд мебошам . I see.– Ман мефаҳмам . I will see her this evening. Ман ин бегоҳ бо ӯ мулоқот хоҳам дошт . I’m going to see a doctor. Ман ба назди духтур рафтанӣ ҳастам. Барои таълими назариявӣ ва амалӣ гирифтани забони анлисӣ омӯхтани феъл басо муҳим арзёбӣ мегардад. Ҳадафи асосии мо устодон бо роҳу усулҳои нав аз он ҷумла бо услуҳои салоҳиятнокӣ ва истифода аз техникаю технологияи муосир (тахтаи электронӣ ва компютер) ба зеҳни хонандагон ҷой кардани меъёри истеъмоли феълҳо дар забони англисӣ мебошад.
Саъдизода Нурҷаҳон, омӯзгори мактаби №10-и шаҳри Ваҳдат. | |
| |
Просмотров: 357 | Загрузок: 0 | |